IKEA Singapore

 စင်္ကာပူမှာ Orchard က ကုန်တိုက်တွေအပြင် စိတ်ဝင်စားစရာကောင်းတဲ့ 
ကုန်စုံဆိုင် တစ်ခု ရှိပါတယ်။ အဲဒါကတော့ IKEA ပါပဲ။

ဒီ IKEA အကြောင်းကို အရင်တုန်းက တစ်ခါ ပိုစ့်တင်ဘူးပါတယ်။
ခုမှ IKEA Website လေးဝင်ကြည့်ရင်း သတိရလို့ ပြန် update လုပ်လိုက်မိတယ်။
 IKEA မှား ထူးခြားတဲ့ ကိုယ်ပိုင်ဟန်တွေ ကြောင့် လူကြိုက်များပါတယ်။ ဟိုးအရင်က IKEA ဆိုတဲ့ အမည်ကအသံထွက်ဖို့ သုန်သုန့်အတွက်တော်တော်လေး အဆင်မပြေလှဘူးရှင်။  IKEA ဆိုတဲ့ စာလုံးအကြီးတွေနဲ့ဆိုတော့ အတိုကောက်ထင်ခဲ့လို့ စိတ်ဝင်စားပြီး  wikipedia မှာ မွှေဖတ်ကြည့်မိတယ်။
 IKEA ဆိုတာ တည်ထောင်ခဲ့တဲ့ လူရဲ့ နာမည် Ingvar Kamprad (2013 ခုနှစ်မှာ ကမ္ဘာ့အချမ်းသာဆုံး စာရင်းဝင်) ကနေ စာလုံး I & K ရယ် သူကြီးပြင်းခဲ့တဲ့ Elmtaryd ဆိုတဲ့ ယာတောကနေ စာလုံး E ရယ်  သူနေထိုင်ရာဆွီဒင် တောင်ပိုင်းက Agunnaryd ဆိုတဲ့ နေရာဒေသက စာလုံး A ကို  ပေါင်းစပ်ပြီး IKEA လို့ ခေါ်ခဲ့ပါတယ်။
ပထမဆုံး IKEA ပရိဘောကဆိုင်ကို 1958 ဆွီဒင်မှာ စဖွင့်ခဲ့ပါတယ်။ဆွီဒင်နိုင်ငံအပြင်ဘက် ပထမဆုံးဆိုင်အဖြစ် နော်ဝေး (1963) ဒိန်းမက် (1969) တို့မှာ ဖွင့်လှစ်ခဲ့တယ်။ဥရောပဘက်ကို 1970 ခုနှစ်လောက်ကစတင်တိုးချဲ့ဖွင့်လှစ်ခဲ့တယ်။ အဲ့ဒီနောက်မှာတော့ အာရှဘက်ကို IKEAရောက်ရှိလာခဲ့ပြီး 1974 မှာ ဂျပန် 1975 မှာ သြစတြေးလျ၊ ဟောင်ကောင် နဲ့ 1978 မှာ စင်္ကာပူမှာ စဖွင့်ခဲ့ပါတယ်။ 
ကမ္ဘာတစ်ဝှမ်းမှာ ဖွင့်ထားတဲ့အထဲမှာ လက်ရှိ အကြီးဆုံး  IKEA  ၅ နေရာကတော့ 

1. Gwangmyeong, Gyeonggi, South Korea: 59,000 m² (640,000 sq ft)

1. Stockholm Kungens Kurva, Sweden: 55,200 m² (594,000 sq ft)

1. Shanghai Baoshan, China: 55,032 m² (592,360 sq ft)

1. Shanghai Pudong Beicai, China: 49,400 m² (532,000 sq ft)

1. Wuxi, China: 49,117 m² (528,690 sq ft)

တို့ဖြစ်ကြတယ်။ တော်တော် သက်တမ်း ရှည်ကြာလာတဲ့ IKEA ဟာ 2016 မှတ်တမ်းအရ နိုင်ငံပေါင်း ၄၈ နိုင်ငံမှာ ဆိုင်ခွဲပေါင်း ၃၈၉ ဆိုင် ဖွင့်ထားပြီးပါပြီ။ အိမ်သုံး ပစ္စည်း တိုလီမိုလီ ကနေ အသင့်ဆောက်ပြီးသား အိမ်တွေအထိ အမျိုးအမည်ပေါင်း ၁၂၀၀၀ ကျော်ကို တစ်နေရာတည်းမှာ Brand တစ်ခုတည်းနဲ့ ရောင်းနေတာပါ။ တစ်ကမ္ဘာလုံးမှာ အလုပ်သမား တစ်သိန်း တစ်သောင်းကျော် ခန့်ထားတ

ယ် ဆိုတော့ ၀န်ထမ်းပေါင်း ၉ သောင်းလောက် ရှိတဲ့ Microsoft ထက်တောင် ပိုများပါသေးတယ်။
 IKEA မှာ ဘာစိတ်ကူးလည်းတော့ မသိဘူး သူ့အဆောက်အဦး ရှေ့မှာ အလံတွေ ထူထားတယ်။ ဘာပဲဖြစ်ဖြစ် ကြည့်လို့တော့ ကောင်းပါတယ်။ သူ့အဆောက်အအုံကလည်း ပြတင်းပေါက် နည်းနည်းပဲ ပါပြီး ဆွီဒင်နိုင်ငံ အလံလို နက်ပြာရောင် ဂိုဒေါင်ကြီးပါ။  IKEA ဆိုတဲ့အမည်ကို အဆောက်အဦး နဖူးစီးမှာ အ၀ါရောင် တောက်တောက်နဲ့ အကြီးကြီး ရေးထားပါတယ်။ နောက်ကျမှ ဖွင့်တဲ့ (ဥပမာ) စင်္ကာပူ Tempines IKEA မှာတော့ Warehouse ကို အလင်းဖောက် အမိုးတွေ တပ်ထားပါတယ်။ Energy Saving ဖြစ်မယ်ထင်တယ်။ 
အဆောက်အဦးထဲ ၀င်လိုက်တာနဲ့ Entrance နဲ့ Exit တစ်ခုစီသာရှိပြီး ၀င်္ကဘာထဲ ရောက်သွားသလို ပြန်ထွက်ဖို့ မလွယ်တော့ပါဘူး။  တခြား ကုန်စုံဆိုင်တွေလို အတန်းလိုက် အတန်းလိုက်နဲ့ ကိုယ်ကြိုက်တဲ့ အတန်းကို တိုက်ရိုက် သွားဖို့ မလွယ်ပါဘူး။ သူဆင်ထားတဲ့ လမ်းကြောင်းအတိုင်း ဟိုငေး ဒီငေးနဲ့ သူရောင်းသမျှ ပစ္စည်းတွေကို အကုန်ကြည့်ပေတော့ပဲ။ လမ်းတလျှောက်မှာလည်း ပရိဘောဂမျိုးစုံကို လိုချင်စိတ်ဖြစ်အောင် ခင်းကျင်းထားတယ်။ သူ့လမ်းညွှန်အတိုင်းလိုက်နေရင် လမ်းကြောင်း အရှည်ကြီး တလျှောက် သွားရပေမယ့် ကြားထဲမှာတော့ ဖြတ်လမ်း မြေပုံလေးတွေ ရှိပါတယ်။ 
မ၀ယ်ဖြစ်တောင် ပရိဘောဂတွေ အိမ်အသုံး အဆောင် ပစ္စည်းတွေကို တကယ့် သဘာဝအတိုင်း ခင်းကျင်း ပြသထားတော့ ကိုယ့်အိမ်မှာ ဆိုရင် ဘယ်လို နေမယ် ဆိုတာ စိတ်ကူးလို့ ရတယ်။ Archi သမားတွေအတွက် ဒီဇိုင်းအသစ်အဆန်းတွေမြင်သာတယ် အတုယူလို့ရတယ်။ ခင်းကျင်းပြသထားတဲ့ဒီဇိုင်းတွေ ပစ္စည်းတွေကို တက်ထိုင်ကြည့်လို့ရတယ်။ မွေ့ယာတွေ ခင်းထားတဲ့ ကုတင်တွေပေါ် လှဲကြည့်လိုရတယ်။ မီးဖိုချောင်တွေကိုလည်း ဆင်ပြထားတော့ ၀ယ်ပြီးရင် ကိုယ့်အိမ်မှာ ဘယ်လိုနေမယ်ထားမယ်ဆိုတာ စဉ်းစားလို့ရတယ်။ တကယ့် အိပ်ခန်းလို၊ စာကြည့်ခန်းလို၊ မီးဖိုချောင်လို ဆင်ပြထားပြီး ရောင်းသမျှ တိုလီမိုလီ အကုန် ခင်းကျင်းပြထားတာတွေ ကြည့်ပြီး ဈေးဝယ်လာသူ ကလေးရော လူကြီးပါမကျန် ပျင်းစရာအချိန်တောင်မရှိပါဘူး။ ကလေးပါလာတဲ့ ဈေးဝယ်မိဘတွေအတွက် ကလေးကစားစရာကွင်းတွေလဲ ထားရှိပေးထားလို့ စိတ်ဖြောင့်ဖြောင့်ဈေးဝယ်လို့ရတယ်။
 ဒါပေမယ့် တစ်ခုခုမေးမြန်းချင်တဲ့အခါ . ထွက်ပေါက်မတွေ့တဲ့အခါ ၀န်ထမ်းတွေကိုတော့ ရှာဖို့အတော်ခက်ပါတယ်။ တွေ့ချင်မှလဲ တွေ့ရမှာပါ။ လိုအပ်လို မေးချင်ရင်တော့ လိုက်ရှာရနိုင်ပါတယ်။ ဒီလို ၀န်ထမ်းတွေ လျှော့ချထားခြင်းကြောင့်လဲ ပစ္စည်းရဲ့တန်ဖိုးတွေအပေါ်မှာ ဈေးသက်သာနေတာ ဖြစ်နိုင်ပါတယ်။  
IKEA မှာ သဘောကျမိတာက Catalogue ပါ။ IKEA Catalogue က တခြားဟာတွေနဲ့ မတူပဲ တစ်အိမ်လုံးမှာ လိုအပ်တာတွေကို တစ်ထိုင်တည်း တစ်အုပ်တည်းမှာ အကုန်ကြည့်လို ရတယ်။ ပြီးတော့ တချို့ပစ္စည်းတွေက သုံးရကောင်းမှန် ရှိမှန်းတောင် သိတာ မဟုတ်ဘူး။ သူ့ဆီမှာတွေ့မှ ဒါမျိုးလေးတွေ ရှိပါလား ဆိုပြီး သိရတာ။ အထူးသဖြင့် အိမ်ထောင်ပရိဘောကပစ္စည်းတွေကို Dimension  အပြည့်အစုံ ရေးထားတော့ ကိုယ့်အိမ်မှာ အဆင်ပြေမပြေ မ၀ယ်ခင် ကြိုတင်ပြီး အသေအချာ တိုင်းတွာ သိနိုင်တယ်။ အနည်းဆုံးတော့ ၀ယ်ဝယ် မ၀ယ်ဝယ် Catalogue လေးကြည့်ပြီး ကိုယ့်အိမ်မှာ ဘယ်လို ဆင်လိုက်မယ် ဆိုတာ စိတ်ကူးကြည့်လို့ ရသေးတယ်။ နောက်တစ်ခုက  Catalogue မှာ ဈေးနှုန်း တစ်ခါတည်း ပါတော့ ၀ယ်သူတွေအတွက် ပိုအဆင်ပြေတွက်ချက်လို့ရတာပေါ့။ 
ခင်းကျင်းပြထားတာတွေ ညောင်းအောင် ကြည့်ပြီးချိန်မှာ ဗိုက်ဆာလာရင် အဝေးကြီး စားသောက်ဆိုင် အပြင်ထွက် ရှာစရာမလိုအောင်  IKEA တိုင်းမှာ စားသောက်ဆိုင် ရှိပါတယ်။ နိုင်ငံတကာမှာ ဆိုင်ခွဲတွေရှိပေမဲ့ IKEA တိုင်းက အစားအသောက် MENU တွေက ခပ်ဆင်ဆင်ပါ ။ Local food တွေပဲ ကွာသွားမယ်လို့ထင်ပါတယ်။ (ကိုယ်ကလဲ စင်္ကာပူက IKEA ပဲ ရောက်ဖူးတာ မဟုတ်ပေလား)  သူရောင်းပုံကလည်း Queue တစ်လျှောက် စီပြီး လိုချင်တာတွေ ယူထည့်၊ မှာထည့်ပြီးတော့ နောက်ဆုံးမှ အားလုံးကို တွက်ပြီး ကျသလောက် ရှင်းရတာပါ။ သုန်ကတော့ IKEA ကို ဈေးဝယ်မှမဟုတ်လဲ ရုံးကလုပ်ဖော်ကိုင်ဖက်တွေနဲ့ စိတ်ကူးပေါက်သလို နေ့လည်စာ တစ်ခါတစ်လေသွားစားဖြစ်တယ်။ 
စင်္ကာပူမှာတော့ သူတို့နိုင်ငံသားတွေက အိမ်ထောင်ပရိဘောကမှန်သမျှ IKEA ကပဲ ၀ယ်ကြတယ်။ အိမ်ကို အလှဆင်ကြတယ်။ IKEA က အိမ်အသုံးအဆောင် ပစ္စည်းတွေဆို ကိုယ်လဲ အရမ်း သဘောကျတယ်။ ကြွတ်ကြွတ်အိပ် ထည့်ဖို့က အစ တူ၊ ဇွန်း၊ ပန်းကန်စင်ကနေ သေတ္တာ အဆုံး အကုန်လုံးက ဆန်းဆန်းလေးတွေ ချည်းပဲ။ ဆန်းဆန်းလေးတွေ ဆိုတာထက် အိုင်ဒီယာ ကောင်းကောင်းနဲ့ လုပ်ထားတာလေးတွေမို့ သဘောကျတာ။ အိမ်ထောင်ပရိဘောက မီးဖိုးချောင်သုံးပစ္စည်း အိမ်တွင်းအလှဆင်ပစ္စည်းမှန်သမျှ ဒီဇိုင်းဆန်းဆန်း အစုံရနိုင်တာကတော့ IKEA နဲ့ Daiso လို့ထင်မိတယ်။  အဲဒီ နှစ်ဆိုင်လုံးက စင်္ကာပူကို ခဏ လာလည်တဲ့သူတွေကို ခေါ်သွားသင့်တဲ့ နေရာတွေပဲ။ Daiso ဆိုတာကလဲ တစ်ဆိုင်လုံး ၂ ကျပ်တန်တွေ ချည်းပဲ။ ကိုယ်ဆိုရင်လဲ အဲဒီဆိုင် ရောက်ရင် တွေ့သမျှ အကုန် ကောက်ထည့်ချင်တာ။ ၂ ကျပ် ဆိုတော့လည်း တန်တယ်လေ။ တစ်ချို့ စင်္ကာပူဆိုင်တွေမှာ ရှာမရတာတွေ Daiso မှာ ရှိတယ်။ Holiday ခရီးသွားရတာ အမြဲသဘောကျတတ်တဲ့သူတွေအတွက်တော့ တစ်ခါသုံး ခရီးဆောင်ပစ္စည်းတိုလီမိုလီက အစ Daiso က ၀ယ်လို့အကောင်းဆုံးပဲလေ။ ခြုံပြောရရင် IKEA က ဘိုဆန်တယ် Daiso က Oriental ဆန်တယ်။
ကိုယ်တွေလို ကျွှန်း ပျဉ်းကတိုး ပိတောက်စတဲ့ အသားမျိူးစုံထွက်တဲ့ မြန်မာပြည်ကလာတဲ့သူတွေကတော့ IKEA က အိမ်ထောင်ပရိဘောကတွေကို သဘောကျမယ် မထင်ပါဘူး ။ ဘာလို့လဲဆိုတော့ ဒီဇိုင်းတွေကသာ သဘောကျစရာ လိုချင်စရာကောင်းပေမဲ့ ရေရှည်ခိုင်ခံ့မယ် မထင်ဘူးလေ။  IKEA က ပစ္စည်းတွေကို လူလတ်တန်းစားတွေသာ ၀ယ်ကြတာမဟုတ်ပါဘူး။ ဖက်ရှင် ဒီဇိုင်နာ Giorgio Armani ကလည်း သူ့ ဇိမ်ခံ ရွက်လှေမှာ IKEA က ပစ္စည်းတွေနဲ့ ဆင်ထားတယ်တဲ့။  ဆွီဒင် ဘုရင်နဲ့ ဘုရင်မကလည်း IKEA က ပရိဘောဂတွေပဲ သုံးကြတယ်တဲ့။ 
IKEA မှာ ငွေရှင်းကောင်တာက ထွက်ပြီးတောင် ၀ယ်ချင်အောင် လုပ်ထားပါသေးတယ်။ Chocolate ကြိုက်တဲ့သူတွေအတွက် နိုင်ငံတကာက Chocolate ပေါင်းစုံရှိတတ်ပါတယ်။ တစ်ခါတစ်လေ IKEA ရောက်လို့ chocolate တစ်မျိုးမျိုးဝယ်လာမိတိုင်း ကုန်သွားလို့ ထပ်ဝယ်ချင်ရင် တခြားဆိုင်တွေမှာ ရှာရခက်ပြီး IKEA မှာပဲရှိလို့ ချောကလက်အတွက်နဲ့ IKEA သွားရတဲ့ အခိုက်အတန့်တွေဖြစ်ဘူးပါတယ်။  ၀ယ်ဝယ် မ၀ယ်ဝယ် IKEA ကတော့ တစ်ခေါက်သွား လည်ပတ် ကြည့်ရှုလို့ ကောင်းတဲ့ ဆိုင်တစ်ဆိုင်ဖြစ်ပါတယ်။ 

စင်္ကာပူက IKEA မှာတော့ Fried Chicken Wing က တော်တော်ကောင်းတယ်လို့ နာမည်ကြီးတယ်။

အဲ့တော့ ဈေးသွားဝယ်ရင်း ကြက်ကြော်လေးသွားစားတဲ့အခါ ဒီပိုစ့်လေးက အထောက်အကူတစ်ခုခုဖြစ်ပါစေပေါ့။

သုန်သုန် 

စင်္ကာပူ BCA Academy - Specialist Diploma Courses လျှောက်ကြမည်ဆိုလျှင်

စင်္ကာပူ BCA Academy - Specialist Diploma Courses လျှောက်ကြမည်ဆိုလျှင်

BCA Academy မှာ ကျောင်းတတ်မည်ဆိုလျှင် ရွေးချယ်စရာ Courses တွေအများကြီးရှိတဲ့အထဲမှာမှ ဘာလို့ Specialist Diploma Courses တွေအကြောင်း အဓိကရေးရလဲဆိုလျှင် စင်္ကာပူမှာလက်ရှိ ဆောက်လုပ်ရေးနယ်ပယ်တွေမှာ အလုပ်လုပ်နေပြီး နောက်ထပ်အသက်မွေးပညာရပ်တွေကို ဆက်လက်လေ့လာချင်သူတွေအတွက် အတွေ့အကြုံတွေရှယ်ဖို့ ရည်ရွယ်မိလို့ပါ. Sharing is Caring ဆိုသလို ကိုယ်တွေရခဲ့တဲ့အတွေ့အကြုံကနေ သိသလောက် ဝေမျှတာဖြစ်လို့ တစ်ချို့အရာတွေ လိုအပ်ချက်တွေရှိကောင်းရှိနေခဲ့လျှင် အမှားပြင်ပေးဖို့ ကြိုတင်တောင်းဆိုပါတယ်။
သုန်သုန် 2013/2014 ပညာသင်နှစ်အချိန်က Specialist Dip တတ်ဖို့ ကျောင်းလျှောက်ခွင့်တင်တော့ BCA မှာ S.Dip အတွက် Courses က ၆ခု ပဲရှိခဲ့တယ်။ မနှစ်ကစတင်ပြီး ၀င်ခွင့်ဖြေဆိုရတဲ့ English Screening Test ဖြေပုံစံတွေ ကျောင်းလခပေးသွင်းရတဲ့ပုံစံတွေ ထပ်တိုး Courses တွေနဲ့ပြောင်းလဲခဲ့တယ်။ S.Dip တန်း ပညာသင်ကြားတဲ့အခါ အသက်အရွယ်မတူညီသူတွေ နယ်ပယ်အသီးသီးကလာလေ့လာကြတဲ့သူတွေ ကိုယ့်ထက်ဆောက်လုပ်ရေးနယ်ပယ်မှာ အတွေ့အကြုံအများကြီးရထားတဲ့သူတွေ လူမျိုးပေါင်းစုံ အတွေ့အကြုံပေါင်းစုံရနိုင်တဲ့ Courses တစ်ခုပါ။ အခုဆိုလျှင် BCA ရဲ့ S.Dip Courses က စုစုပေါင်း ၁၁ ခုတောင် ရှိနေပြီး မိမိနဲ့သင့်တော်မဲ့ မ်ိမိအတွက်လက်ရှိအလုပ်ကို အဆင့်မြင့်စေမဲ့ အထူးပြုဘာသာရပ်ကိုရွေးချယ်နိုင်ပါတယ်။ ၁၁ ခုလုံးက Term Break အပါအ၀င် သင်ကြားချိန် ၁ နှစ်နီးပါးဖြစ်ပြီး Semester ၂ ခုရှိပါတယ်။ ၁၁ ဘာသာရပ်ထဲမှာမှ Building Information Modeling Courses တစ်ခုသာ ပညာသင်ကြားချိန် ၅လသာဖြစ်ပြီး Semester တစ်ခုတည်းဖြစ်ပါတယ်။ ကျန်တဲ့ ၁၀ ခုကတော့ တစ်နှစ်နီးပါးလုံး ပညာသင်ကြားရတဲ့ Courses တွေနှင့် 5months (Lesson) + 4months (final project) လေ့လာရမဲ့ Courses တွေဖြစ်ကြတယ်။ တစ်နှစ်မှာ Courses ၁၁ ခုလုံးအတွက် Intake ၂ ခါရှိတတ်ပြီး BCA Website
(https://www.bcaa.edu.sg/…/academic-progr…/specialist-diploma )
မှာ Courses တစ်ခုချင်းစီကို အသေးစိတ်လေ့လာနိုင်ပါတယ်ရှင်။ ကျောင်းလျှောက်လွှာ Application Form တွေ ကျောင်းလခတွေ ကျောင်းတတ်ရက်တွေ ဘာသာရပ်တစ်ခုချင်းစီရဲ့လေ့လာသင်ယူရမဲ့အကြေင်းအရာတွေ Objectives တွေကို အပေါ်က လင့်မှာ အသေးစိတ်ဖော်ပြထားလို့ မိမိဝါသနာပါရာ မိမိလက်၇ှိအလုပ်နဲ့သင့်လျော်ရာ လေ့လာနိုင်ပါတယ်၊၊
စာဖတ်သူအချိန်ကို ငဲ့ညာပြီး ဘာသာရပ်တစ်ခုချင်းစီကို အသေးစိတ်ရှင်းပြရေးဖို့ Skip လုပ်လိုက်ပါရစေ။
ကျောင်းလျှောက်တဲ့အခါ ဘာတွေလိုအပ်လဲဆိုရင် လက်ရှိစင်္ကာပူ Construction နယ်ပယ် Industry နယ်ပယ်မှာအလုပ်လုပ်နေပြီး အနည်းဆုံးအတွေ့အကြုံလုပ်သက် ၁ နစ်လောက်ရှိထားပြီ်ဆိုရင် ကျောင်းလျှောက်ချိန်တရားဝင်ကြေညာထားတဲ့အချိန်ကစတင်ပြီး မိမိရရှိထားတဲ့ဘွဲ့တွေ အတွေ့အကြုံတွေနှင့် မိမိတတ်ချင်တဲ့ Courses ကိုလျှောက်ခွင့်ရနိုင်မရနိုင် BCA Academy ကို ဖုန်းဆက်သော်လည်ကောင်း Email ပို့မေးသော်လည်းကောင်း Verify လုပ်ပေးဖို့ စုံစမ်းနိုင်ပါတယ်။ မိမိလေ့လာမဲ့ Course ရဲ့ ကျောင်းလျှောက်လွှာ Application Form ကို Download ဆွဲပြီး လိုအပ်သောအကြောင်းအရာတွေကို လက်ရေးနှင့်ဖြစ်စေcomputer typing ရိုက်ပြီးဖြစ်စေ ဖြည့်စွက်နိုင်ပါတယ်။
လိုအပ်သောစာရွက်စာတမ်းများ
၁ . မိမိလျှောက်မဲ့ Course ရဲ့ လျှောက်လွှာဖောင် (BCA Website မှ ရယူနိုင်)
၂ . မိမိအောင်မြင်ခဲ့သော ဘွဲ့လက်မှတ် မိတ္တူ
၃ . Employment Pass မိတ္တူ
၎ . Passport မိတ္တူ
၅ . Company recommendation letter (လိုအပ်လျှင် - ဆိုလိုတာက တင်ပြနိုင်လျှင်ပိုကောင်းပါတယ်။ ကျောင်းလခငွေကို သက်ဆိုင်ရာ company မှ ပေးချေပေးမည်ဆိုလျှင်လဲ လိုအပ်ပါသည်။)
၆. အခြား Certificates မိတ္တူ
အဓိကက BCA ရဲ့ Specialist Diploma Course ကိုလျှောက်မည်ဆိုလျှင် English Screening Test လို့ခေါ်တဲ့ BCA ကကျင်းပတဲ့ အရည်အချင်းစစ်စာမေးပွဲ (၁၀၀ မှတ်ဖိုး English – Reading & Writing ) ကို အောင်မြင်မှ ကျောင်းတတ်ခွင့်ရပါမည်။ ကျောင်းလျှောက်ခွင့်သတ်မှတ်ရက်ကစတင်ပြီး ကျောင်းမတတ်ရခင် ၃ လလောက်အလိုမှာ အရည်အချင်းစစ်စာမေးပွဲကို ကျင်းပတတ်ပါတယ်။ ပုံမှန် ညနေ ၆ နာရီကနေ ၈ နာရီထိ ထိုစာမေးပွဲကို ဖြေဆိုရပါတယ်။ ဖြေဆိုခွင့်ရ ကျောင်းသားတွေကို Email ဖြင့်အကြောင်းကြားစာပို့ပေးပြီး စာမေးပွဲကြေး စင်္ကာပူဒေါ်လာ 23 ကျပ်ကို သတ်မှတ်ရက်အတွင်း ပေးချေရပါမယ်။ ဒီနေရာမှာ တစ်ခုသတိပေးရရင် BCA Academy သည် ကျောင်းကိစ္စနှင့်ပတ်သတ်သမျှ အကြောင်းကြားစရာကိစ္စများကို တစ်ခါတစ်လေ ကာယကံရှင်ကျောင်းသူ/ကျောင်းသားဆီသို့ အသိပေးအကြောင်းကြားရာမှာ နောက်ကျတတ်သောကြောင့် မိမိကျောင်းလျှောက်ထားလျှင် BCA မှအကြောင်းကြားစာကိုပဲ ထိုင်စောင့်မနေပဲ သတ်မှတ်ရက်နီးလေ ဖုန်းဆက်မေးသင့်ပါတယ်။ (ကိုယ်တိုင်ကြုံဘူးလို့ပါ - စကားချပ် :) )
English Screening Test ဖြေဆိုအောင်မြင်တဲ့ Applicants တွေကို ကျောင်းတတ်ခွင့်ရ Offer နှင့်အတူ ကျောင်းလခပေးသွင်းရက်ကိုပါ Email ပို့အကြောင်းကြားပေးပါတယ်။ သုန်သုန်တို့ 2013/2014 ပညာသင်နှစ်ပြီးနောက်ပိုင်းကစတင်ပြီး ကျောင်းလခကို semester တစ်ခုမစခင် ၂ခါ ခွဲသွင်းခွင့်မပေးတော့ပဲ ကျောင်းတတ်ခွင့် Offer ရသည်နှင့် တစ်ကြိမ်တည်းသာ ငွေပေးချေရမည့်စနစ်ကို ကျင့်သုံးခဲ့ပါသည်.။ ကျောင်းတတ်ခွင့်ရသည်နှင့် ငွေပေးချေပြီးသည့်အခါ BCA Academy မှ Document Verification ပြုလုပ်ရန် ကျောင်းသို့ ညနေပိုင်းတစ်ရက်သွားရပါမည်။ မိမိလျှောက်ခဲ့သောကျောင်းလျှောက်လွှာနှင့်အတူ တင်ပြခဲ့သော ဘွဲ့လက်မှတ် စာရွက်စာတမ်းများကို မူရင်းနှင့် မိတ္တူစစ်ဆေးခြင်း Document Verification လုပ်ခြင်းဖြစ်ပါတယ်။
BCA Academy – Specialist Diploma Course တွေရဲ့တစ်ခုအားသာချက်က အခြား တက္ကသိုလ်များလို IELTS/TOEFL Result တွေမလိုအပ်ပဲ ဆောက်လုပ်ရေးနယ်ပယ်အသီးသီးက မိမိအလုပ်အတွေ့အကြုံတွေကို အဆင့်မြင့်ပညာရပ်တွေ ထပ်တိုးလေ့လာနိုင်တဲ့ Short course တစ်ခုဖြစ်တာကြောင့် လေ့လာဖို့အခွင့်အရေးတွေလွယ်ကူပါတယ်။
Semester 2 ခု သင်ကြားအောင်မြင်တတ်မြောက်ပြီးတဲ့အခါမှတော့ intake ၂ ခုပေါင်းပြီး Graduation Ceremony ကို တတ်ရောက်ရမှာဖြစ်ပါတယ် ။
စင်္ကာပူနိုင်ငံအစိုးရအသိအမှတ်ပြုကျောင်းတစ်ခုဖြစ်တဲ့အတွက် အခြား Bsc , Msc တွေ ဆက်သင်ကြားဖို့ နိုင်ငံခြားတက္ကသိုလ်တွေ ထပ်လျှောက်တဲ့အခါ ဒီ S.Diploma ဟာ တော်တော်လေး အထောက်အကူပြုစေပါတယ် ။
ကျောင်းလျှောက်ပုံ English Screening Test အသေးစိတ်အကြောင်း စာရွက်စာတမ်းအကြောင်း အသေးစိတ် သိရှိလိုပါက အတတ်နိုင်သမျှ အတွေ့အကြုံတွေရှယ်ပေးပါ့မယ် ။
ယခုလက်ရှိအချိန်ထိ သင်ကြားလေ့လာနိုင်တဲ့ BCA Academy - Specialist Diploma Courses ၁၁ ခုကတော့
1 / Specialist Diploma in Architectural Technology
Duration: Approximately 1 year including term break
2/ Specialist Diploma in Building Cost Management
Duration: Approximately 1 year including term break
3/Specialist Diploma in Building Information Modeling
Duration: 5 months
4/Specialist Diploma in Construction Management
Duration: Approximately 1 year including term break
5/Specialist Diploma in Construction Productivity
Duration: 5 months lessons + 4 months final project
6/Specialist Diploma in Design for Manufacturing & Assembly (DfMA)
Duration: 5 months lessons + 4 months final project
7/Specialist Diploma in Facility & Energy Management
Duration: Approximately 1 year including term break
8/Specialist Diploma in Interior & Landscape Design
Duration: Approximately 1 year including term break
9/Specialist Diploma in Lean Construction
Duration: 5 months lessons + 4 months final project
10/Specialist Diploma in M&E Coordination
Duration: Approximately 1 year including term break
11/Specialist Diploma in Virtual Design & Construction (VDC)
Duration: 5 months lessons + 4 months final project
တို့ ဖြစ်ပါတယ် ။ မိမိနဲ့သင့်လျော်ရာ မိမိဝါသနာပါသော Courses တွေကို အပေါ်က BCA Website link မှာ အသေးစိတ်လေ့လာပြီး ကျောင်းလျှောက်တဲ့အခါ ယခုပိုစ့်ဟာ အထောက်အကူပြုစေနိုင်တဲ့ အကြောင်းအရာတစ်ခုဖြစ်ပါစေလို့ ဆန္ဒပြုလိုက်ပါတယ် ။
ကျေးဇူးတင်ပါတယ်!
Good Luck
သုန်သုန် (13-11-2016)

စင်္ကာပူ NUS မှာ ကျောင်းလျှောက်တော့မည်ဆိုလျှင်..

စင်္ကာပူ NUS မှာ ကျောင်းလျှောက်တော့မည်ဆိုလျှင်..

တလောက မြန်မာပြည်က အင်ဂျင်နီယာကျောင်းတွေ အောင်စာရင်းထွက်ခဲ့တယ်။

တစ်ချို့လဲ BE အောင်မြင်ခဲ့ပြီး Master ဆက်တတ်ဖို့ အခွင့်အရေးရသလို တစ်ချို့လဲ မရကြဘူး။

တစ်ချို့အသိသူငယ်ချင်းတွေရဲ့ ညီ/ညီမ တွေ စင်္ကာပူမှာ မာစတာတန်းအတွက် ကျောင်းတတ်ချင်တယ်ဆိုတာနဲ့ ပတ်သတ်ပြီး မေးလာတာလေးတွေများလာလို့ ဒီအကြောင်းအရာလေးကို ရေးဖြစ်လိုက်တာပါ။

ဒီအကြောင်းအရာမှာ NUS (National University of Singapore) ကျောင်းရဲ့ အကြောင်းအရာတွေကိုသာ အဓိက ရေးထားပါတယ်။ 

သုန်ကိုယ်တိုင်လဲ NUS မှာ Master တန်းအတွက် ကျောင်းလျှောက်ထားဖူးတဲ့ အတွေ့အကြုံအပြင် ကျောင်းဝင်ခွင့်ရရှိခြင်း အတွေ့အကြုံမရှိတော့ တစ်ချို့အရာတွေဟာ လွဲမှားခဲ့သည်ရှိသော် အမှားပြင်ပေးဖို့ ကြိုမေတ္တာရပ်ခံပါရစေ။

သုန်သုန် စင်္ကာပူမှာ ရှိနေခဲ့တဲ့ ၄ နှစ်တာ ကာလအတွင်းမှာ NUS မှာ Msc (Course work) အတွက် ၃ ကြိမ် NTU မှာ ၃  ကြိမ်တိတိ ကျောင်းလျှောက်ခဲ့ဘူးပါတယ်။

ကျောင်းဝင်ခွင့်မရရှိခဲ့ပါဘူး။  :( 

၂၀၁၆ ဇွန်လမှာတော့ UK နိုင်ငံ တက္ကသိုလ်တစ်ခုကနေ စင်္ကာပူမှာ Distance Learning လေ့လာဖို့ပဲ ကျောင်းလျှောက်ခဲ့တာ အရင်လက Offer ရခဲ့ပါတယ်။

ဒါကြောင့် ဒီပိုစ့်ဟာ NUS နဲ့ NTU တစ်ခုခုမှာ ကျောင်းဆက်တတ်ချင်သူတွေအတွက် အထောက်အကူ တစ်ခုခုဖြစ်စေဖို့ရန် ရည်ရွယ်ပြီး လေ့လာသိသမျှရှယ်ပေးခြင်းသာဖြစ်ပါတယ်။ 

NUS မှာ မြန်မာပြည်ကနေ BE ပြီးခဲ့ပြီး Master တန်းအတွက် ကျောင်းတတ်ချင်သည်ဆိုကြပါစို့။

ဘာတွေလိုအပ်မလဲသိဖို့အရင်ထက် NUS မှာ ကိုယ်က Master တန်းအတွက် ဘယ်ဘာသာရပ်ကို အထူးပြုလေ့လာချင်တာလဲ ? 

ကိုယ်လေ့လာချင်တဲ့ ဘာသာရပ်ရော ရှိရဲ့လား? ရှိတယ်ဆို ဘာအကြောင်းအရာတွေကို အဓိကသင်ကြားမှာလဲ ? ဆိုတဲ့ Overview အနည်းအကျဉ်းတော့ သိထားသင့်ပါတယ်။ (ရှည်မှာဆိုးလို့ ဒီမှာဖော်မပြတော့ပါ)

NUS website မှာ အသေးစိတ်ရှင်းပြထားပါတယ်။ 

ရှာရတာ အဆင်မပြေရင် အောက်ကလင့် မှာ PDF file Download ရယူနိုင်ပါတယ်.။

 >>>>   https://drive.google.com/drive/my-drive <<<

>>>>  https://drive.google.com/file/d/0B2rS9NoqT1SYdXN0R2trb2l4V00/view?usp=sharing <<<<

ဒေါင်းလို့မရရင် Email ထားခဲ့လို့ရပါတယ်။ Email ပို့ပေးပါမယ်။ 

Recommendation letter နမူနာဖြစ်ပါတယ် ။

NUS မှာ အင်ဂျင်နီယာပိုင်းဆိုင်ရာ Master အတွက် Coursework Program နဲ့ Research Program ဆိုပြီး ၂ မျိုး ရှိပါတယ်။

Coursework Program - Regular Msc Programmes တစ်ခုဖြစ်ပြီး 

Research Program - MEng Programmes ဖြစ်ပါတယ်။ 

Program ၂ ခုလုံးက တစ်နှစ်ကို Intake ၂ ခု ရှိပါတယ် (January Intake & August Intake) ပါ

Intake တစ်ခုမတိုင်ခင် ၆လလောက်ကြိုတင်ကျောင်းလျှောက်ရပါမယ်.။ 

 ကျောင်းဝင်ခွင့်ရမရကို Jan Intake ဆိုရင် နိုဝင်ဘာမှာ Application Status သိနိုင်ပြီး August Intake အတွက်ဆို မေလလောက်မှာ သိနိုင်ပါတယ်။

ကျောင်းတတ်ခွင့်ရခြင်းမရခြင်းကို သူတို့ရဲ့ Website မှာ ကိုယ့်ရဲ့Application No နဲ့စစ်နိုင်သလို Email နဲ့လဲ အကြောင်းကြားစာပို့ပေးပါတယ်။

ကျောင်းလျှောက်ရာမှာ Online Application & Manual Application ဖြစ်ပြီး Local Applicants အတွက်ရော International applicants အတွက်ပါ အဆင်ပြေအောင် ပြည့်ပြည့်စုံစုံလမ်းညွန်ထားပါတယ်.

ဒီလင့်က NUS ကျောင်းရဲ့ Program 2 ခုလုံးအတွက် ကျောင်းစတင်လျှောက်ရမဲ့ Link ပါ ။ လေ့လာနိုင်ပါတယ်  http://www.gse.nus.edu.sg/applications.html

Online Application Fee က စင်္ကာပူဒေါ်လာ ၂၀ ဖြစ်ပြီး Manual Application fee ကတော့ ၄၀ ဒေါ်လာဖြစ်ပါတယ်။

ကျောင်းလျှောက်ခြင်းအတွက် ငွေပေးချေထားတဲ့ Slip ကို Physical Verification လုပ်တဲ့အခါ တပါတည်းတင်ပြရမည်ဖြစ်လို့ သေချာသိမ်းထားဖို့ သတိပေးပါရစေ။

စင်္ကာပူမှာ အလုပ်လုပ်နေရင်းပဲဖြစ်ဖြစ် မြန်မာပြည်ကနေ Bachelor ဘွဲ့ရပြီးပဲဖြစ်ဖြစ် မာစတန်းတတ်မယ်ဆို Coursework Program ကိုပဲရွေးချယ်ဖို့အကြံပေးပါရစေ။

Coursework Program က ကျောင်းဝင်ခွင့်ရော ကျောင်းတတ်ခွင့်ပါ ရနိုင်ချေအခွင့်အရေးများတယ်။ 

Research program ကတော့ ကျောင်းတတ်ခွင့် Offer ရဖို့ တော်တော်လေးအခွင့်အရေးနည်းပါတယ်။

ခု Coursework Program နဲ့ပတ်သက်ပြီး ကျောင်းဝင်ခွင့်အတွက်လိုအပ်တာတွေ ပြောရရင်

Online Application မှာ လိုအပ်တဲ့ Data တွေ Document တွေနဲ့ Submit  ပြီးရင် အဲ့ဒီ လျှောက်လွှာကို Print ထုတ်ထားဖို့လိုအပ်ပါတယ်။ 

ဘာလို့လဲဆိုတော့ Online Application အပြင် Physical Verification လုပ်ရန်အတွက် ကျောင်းလျှောက်လွှာ ဘွဲ့လက်မှတ်

 ကိုယ်အောင်မြင်ခဲ့တဲ့ ဘာသာရပ်ရဲ့ Grading, Transcript တွေ အမှတ်စာရင်းတွေ Result တွေ အခြား Certificate တွေ စာတိုက်ကတဆင့် တင်ပြရပါတယ်။

မိမိလျှောက်မဲ့ အထူးပြုဘာသာရပ်တစ်ခုချင်းစီအတွက် အောက်ပါ စာရွက်စာတမ်းတွေ တင်ပြဖို့လိုအပ်ပါတယ်။

၁ - NUS ကျောင်းဝင်ခွင့်လျှောက်လွှာဖောင်

၂ - ကျောင်းလျှောက်လွှာကြေးအတွက် ငွေပေးချေထားတဲ့ Slip 

၃ - Passport စာမျက်နှာ မိတ္တူ

၎ - Employment Pass မိတ္တူ ( စင်္ကာပူမှာ နေထိုင်နေသူတွေများအတွက်သာ)

၅ - မိမိအောင်မြင်ခဲ့တဲ့ ဘွဲ့လက်မှတ်မိတ္တူ

၆ - တက္ကသိုလ်တတ်ခဲ့သော ၅ နှစ်တာကာလအတွင်းရရှိခဲ့သော နှစ်စဉ်အမှတ်စာရင်း

၇ - Grading Result

၈ - Official Transcript / GPA 

၉ - တစ်နှစ်လျှင် စင်္ကာပူဒေါ်လာ အနည်းဆုံး 25,000 ၀င်ငွေ ရှိသော ငွေကြေးအထောက်အထားစာရင်း 

(ဒီနေရာမှာ မြန်မာပြည်က Full Time ကျောင်းလျောက်မဲ့သူတွေ နဲ့ စင်္ကာပူမှာ အလုပ်မလုပ်နေသူတွေအတွက်ကတော့ 

တစ်နှစ်ဝင်ငွေ စင်္ကာပူဒေါ်လာ ၂၅၀၀၀ နှင့်ညီမျှသော ငွေကြေးအထောက်အထား Bank Statement တစ်ခုတင်ပြနိုင်ရမည်ဖြစ်ပါသည်)

၁၀ - IELTS (Academic) result (အနည်းဆုံး Result 6.5) ဒါမှမဟုတ်  TOEFL scoresheet (Min 600 for paper-based test), (Min 250 for computer-based test), (92 for internet-based test)

တစ်ခုခုတင်ပြနိုင်ရမည်

၁၁ - မိမိတတ်မြောက်အောင်မြင်ခဲ့သော တက္ကသိုလ် English Department နှင့်  Major Department ဆီမှ Recommendation Letter 

အထက်ပါ ၁၁ ချက်လုံး (မိတ္တူ) ကို Online Application ပြီးတာနဲ့ သတ်မှတ်ရက်အတွင်း NUS ကျောင်းရဲ့သတ်မှတ်လိပ်စာအတိုင်း စာတိုက်ကတဆင့်ပေးပို့ရပါမယ်။

နောက်ထပ်သတိထားရမဲ့အချက်ကတော့ Online Application ပဲလုပ်လုပ် Manual Application လုပ်လုပ် ကျောင်းလျှောက်လွှာမှာ Objectives ရေးပေးရမဲ့နေရာတစ်ခုပါပါတယ်။

အဓိကကတော့ ကိုယ်ဘာလို့ ဒီတက္ကသိုလ်တတ်ချင်ရတာလဲ ၊ ဒီဘာသာရပ်ကိုဘာကြောင့်ရွေးချယ်တာလဲ ။ ဒီဘာသာရပ်ကို တတ်မြောက်အောင်မြင်ပြီးရင် ကိုယ်ဘာတွေလုပ်မလဲဆိုတဲ့ Objectives ကို အနည်းဆုံး A4 ၃ မျက်နှာလောက်ရေးတင်ရပါတယ်။

သူတို့သတ်မှတ်ပေးထားတဲ့နေရာက မလုံလောက်တဲ့အတွက် အခြားအပို A4 စာရွက်သုံးပြီး တင်လို့ရပါတယ်။

 စာတိုက်ကနေ Document တွေပို့တဲ့အခါ အဲ့ဒီ A4 စာရွက် မေ့တတ်ကြပါတယ်။ သတိထားဖို့ပ့ါ.။

စင်္ကာပူမှာလက်၇ှိအလုပ်မလုပ်ပဲ မြန်မာပြည်ကနေ Full Time လျှောက်ကြမဲ့ International Applicants တွေအတွက် အဓိကလိုအပ်တာကတော့

IELTS result (or) TOEFL score သူတို့သတ်မှတ်ထားတဲ့ အမှတ်မှီဖို့အရေးကြီးပါတယ်။

နောက်တစ်ချက်က Bank Statement ပါပဲ. 

ကျောင်းတတ်ခွင့်ရသွားရင် ဒီ၂နှစ်တာကာလအတွင်း ဘယ်သူက ကျောင်းစာရိတ်အတွက် ထောက်ပံ့ပေးမလဲဆိုတဲ့ တိကျခိုင်လုံတဲ့ အထောက်အထားလိုအပ်ပါတယ်။ 

ဆိုလိုတာက ကျောင်းစားရိတ်ထောက်ပံ့သူရဲ့ ငွေစာရင်း (fixed deposit account or saving accounts) စင်္ကာပူဒေါ်လာ ၂၅၀၀၀ နဲ့ ညီမျှတဲ့ ငွေကြေးပမာဏတစ်ခုတင်ပြရန်လိုအပ်ပါတယ်။ 

Tuition Fee ကတော့ Full Time အတွက် $18,100 per semester ဖြစ်ပြီး  Part Time အတွက် $9,050 per Semester ဖြစ်ပါတယ်။ (2016/2017 ပညာသင်နှစ်အတွက်သာ) 

တစ်နှစ်နဲ့တစ်နှစ် ကျောင်းလခ အပြောင်းအလဲ နှင့် အခြားစာရွက်စာတမ်းအပြောင်းအလဲများကို ကျောင်းမလျှောက်ခင် NUS website မှာ Download ရယူနိုင်ပါတယ်

အောက်ပါဘာသာရပ်တွေက NUS မှာ Msc (Coursework) အတွက် 2017 Intake မှာ သင်ယူလေ့လာနိုင်တဲ့ ဘာသာရပ်တွေဖြစ်ပါတယ်။

PROGRAMMES AVAILABLE BY COURSEWORK (2017 INTAKE)

Master of Science (Msc) 

1. Chemical Engineering

2. Civil Engineering

3. Electrical Engineering

4. Environmental Engineering

5. Geotechnical Engineering

6. Hydraulic Engineering and Water Resources Management

7. Industrial & Systems Engineering

8. Intellectual Property Management

9. Management of Technology

10 . Materials Science & Engineering

11. Mechanical Engineering

12. Offshore Technology

13. Safety,Health And Environmental Technology

14. Systems Design Management

15. Transportation Systems & Management

တို့ပဲဖြစ်ပါတယ်။

ပညာရေးဟာ အသက်ဘယ်လောက်ပဲကြီးကြီး ကိုယ်ရင်းနှီးမြုပ်နှံရင် မြုပ်နှံသလောက် ပြန်ရတတ်တဲ့ စီးပွားရေးဖြစ်တာမို့

 မိမိဝါသနာ မိမိအရည်အချင်းနှင့် ထပ်တူညီတာတွေ ရွေးချယ်လေ့လာနိုင်ကြပါစေဖို့ ဆန္ဒပြုပါတယ်။

ကျေးဇူးတင်ပါတယ်။

Good Luck.

သုန်သုန် 

10 Nov 2016

ဗီယက်နမ်ခရီးစဉ်

ဗီယက်နမ်သွားတောလား ( Aug 2015)

ခြေထောက်မှာ မှဲ့ ရှိရင်..အရမ်းသွားရတယ်ဆိုလို့ ထင်ပါရဲ့ ...ခုတော့ ဗီယက်နမ်ကို ပထမဆုံးအကြိမ်ရောက်လာပါ
တယ်။ ခက်ပါဘိ..နေရာအတည်တကျမရှိနိုင်တဲ့ဘ၀..

ဘာလိုလိုနဲ့  Tan Son Nhat (ဟိုချီမင်း) လေဆိပ်ကိုရောက်လာပါတယ်။ ရောက်ရောက်ခြင်းထူးခြားတာတွေကိုတွေ့ 
လိုက်ပါတယ်။ လ.၀.က က လူငယ်တွေပဲ။ ကျမတော်တော်လေးကို အံ့သြမိပါတယ်။ အံ့သြဆို..ရောက်ဖူးတဲ့နိုင်ငံ
တွေလိုလိုတိုင်းမှာက သက်ကြီးပိုင်းတွေပဲတာဝန်ယူပြီးလုပ်ဆောင်ကြတာကိုး။ သြော်..လူငယ်တွေကို နေရာပေးတယ်
ထင်ပါရဲ့ လို့  စိတ်ထဲမှာတွေးမိပါသေးတယ်။

အဲလိုနဲ့ ...ကကစီးပြီးတည်းခိုမယ့်နေရာကို ရောက်လာပါတယ်။ လေဆိပ်က မြို့ ပြင်မှာရှိနေတဲ့အတွက်စ မြို့ တွင်းကို
၃၀ မိနစ်လောက်သွားရပါတယ်။ ကားခကတော့ ၂၀၀.၀၀၀ (၁၀$)ပါ။ မြန်မာပြည်ထက်တစ်ခုတိုးတတ်တာက စည်းစနစ်ရှီတဲ့ ပုံစံတူ မီတာ Taxi တွေပါပဲ.. မောင်းသူ စီးသူကြားစကားအပိုမပြောရတဲ့ အဲ့ taxi က စင်္ကာပူကနေလာတဲ့ ကျမအတွက် အတော်လေး သက်သာလှပါတယ်. တစ်ခုပါပဲ… Communication ပိုင်း စိတ်ပင်ပန်းမှုကြုံရတာပါပဲ…
tongue emoticon

မနက်ရောက်တော့ မနက်စာသွားစားဖြစ်တယ်.. သူတို့နိုင်ငံရဲ့ ရိုးရာအစားအစာဖြစ်တယ်ပြောရမယ်. ဆန်ခေါက်ဆွဲကို ပြူတ်ချိုဟင်းနဲ့ မြန်မာမုန့်တီလိုမျိုးးး.. ကျမတော့ မုန်ညှင်းရွက်မကြိုက်လို့ ..အဲ့ဒါ မစားးဖြစ်ခဲ့ပါဘူးး .။…. နောက်တစ်ခုက ပဲပင်ပေါက် တော်တော်လေးစားတဲ့နိုင်ငံဗျ … ပင်စိမ်းရွက်လိုလို ပူဆီနံလဲအတော်စားတဲ့နိုင်ငံပဲဗျ… ကျမအတွက်ကတော့ အဆင်မပြေပါဘူးးး ….. International Buffet အဆင့်မှီမှီ မနက်စာလေးက အတော်လေးအဆင်ပြေပါတယ်။။ ဖြစ်ချင်တော့.. ခရီးပထမဆုံးနေ့မှာ အစာအိမ်ရောဂါက ပြန်ဖြစ်လာတော့ နဲနဲပဲစားဖြစ်ခဲ့သလို.. ဓါတ်ပုံလဲ မရှိုက်နိုင်ခဲ့ပါဘူးးး
သူတ်ို့ရဲ့ ရိုးရာဆန်ခေါက်ဆွဲပြုတ်ကိုတော့ ဓါတ်ပုံတင်ထားပါတယ်…

မြို့ တွင်းသွားလာရေးပါပဲ။ ဆိုင်ကယ်မြို့ တော်လို့ တောင်ခေါ်လို့ ရပါတယ်။ ဆိုင်ကယ်ဟွန်းသံတွေမပြတ်
ကြားရလွန်းလို့  နားငြီးခြင်းဝေဒနာတောင်ရလောက်ပါပေတယ်။ ပြီးတော့မောင်းပုံကလဲ..သွားချင်တဲ့ဘက်ကိုသွား
တာပဲ။ ကွေ့ ချင်ရင်လဲ ကွေ့ ချလိုက်တာပဲ။ နောက်ကလူက ကြည့်ရှောင်ရပါတယ်။ နောက်ကနေလိုက်စီးရင်တောင်
ရင်တမမနဲ့  ဘယ်ချိန်မှာတိုက်မလဲဆိုပြီး..ရင်တခုန်ခုန်ဖြစ်ရလောက်တယ်ဗျ.... နှလုံးရောဂါရှိသူများအတွက်တော့ ကားပဲ
စီးပါလို့  တိုက်တွန်းလိုပါတယ်။ စည်းစနစ်ကတော့ မြို့ပြဖြစ်ပေမဲ့ ပရမ်းပတာပါပဲ.. ဟဲဟဲ… (ခွင့်လွှတ်ပါ).. ကျမ စလုံးကအကျင့်တွေပါပီးး ကွန်ပလိန်းရမှ ကျေနပ်တတ်သူမို့ပါ့……
tongue emoticon

ဒါကတော့ လမ်းဘေးဆံပင်ညှပ်ဆိုင်ဖြစ်ပါတယ်။ နေရာတော်တော်များများမှာတွေ့ ရပါတယ်…. ပုံမှန်စီးပွားရေး သေးသေးလေးလုပ်တဲ့သူတွေအတွက် တစ်နိုင်တစ်ပိုင်ဆိုရမလားပဲ.. မြန်မာနိုင်ငံမှာလဲ ရှိတတ်ပါတယ်… များသောအားဖြင့် ပန်းခြံလိုနေရာမျိုးလေးတွေမှာ ဒီလိုဆိုင်လေးတွေ တွေ့ရတယ်….ညှပ်တဲ့သူလဲ ရှိသင့်သလောက်ရှိနေပါတယ်….

ဒါကတော့ လမ်းကြိုကြားပါ။ သူတို့ ရဲ့ မြို့ ဟောင်းလို့ ခေါ်တဲ့နေရာ (နိုင်ငံခြားသားများ အများအားဖြင့်နေသောနေရာ)
မှာတော့ လမ်းတစ်ခုနဲ့ တစ်ခု ဆက်သွယ်နေတာ ပင့်ကူအိမ်နဲ့ တောင်တူပါတယ်ဗျာ။ လုံးဝကို မမှတ်မိဘူး။ ခေါင်းသာ
နောက်သွားတယ်..ဘယ်ရောက်လို့ ရောက်နေမှန်းကိုမသိတာ။ ကျမဆို မြေပုံကိုင်ပီးးး အခါခါ လမ်းပျောက်ခဲ့သူပါ… ဆိုင်ကယ်တွေကရှုပ် ကားကရှုပ် လမ်းကမကျွမ်းကျင်.. မသိလို့မေးရအောင်လဲ English က ပြောတတ်သူက နည်းး…. တော်တော်လေးကို သက်ပြင်းတွေချခဲ့ရတဲ့ နေရာပါပဲ…
grin emoticon

ယေဘုယျ သတင်းအချက်အလက်။ ။

အသုံးပြုငွေ။ ။ တွန် (Don) လို့ ခေါ်ပြီးတော့ ၂၀.၀၀၀ က ၁$ နဲ့ ညီပါတယ်။

အသုံးစရိတ်။ ။ တစ်နပ်ကို အနည်းဆုံး... ၂၅.၀၀၀ ကျပါတယ်။ ပျမ်းမျှ… (ရေမပါ) ဆိုင်ကြီးရင်ကြီးသလိုပေါ့နော်.. ကျမတေ့ာ တစ်ခါစားး 100,000 VND ပေးရတာပါပဲ… အစားအသောက်ချေးများတာကိုးးးးး ဒါပေမဲ့.. မြန်မာနိုင်ငံထက်ငွေသုံးလို့ပိုကောင်းတဲ့ နိုင်ငံအဖြစ် ကျမတော့ သဘောကျတယ်. ပိုက်ဆံ အရွက်ကြီးတွေကို Amount အမျာြးဲကီးပေးရတာ သဘောကျတတ်တော့ ပျော်စရာပါပဲ….
tongue emoticon

အသွားအလာ။ ။ အများအားဖြင့်တော့ ဆိုင်ကယ်နဲ့ ပဲသွားပါတယ်။ ဘတ်စ်ကားတွေလဲရှိပါတယ်။

အစားအစာ။ ။ ကျမအတွက်တော့ သိပ်မဆန်းပါဘူး။ တော်တော်လေးဆင်တူပါတယ် အထူးသဖြင့် သျှမ်းအစား
အစာနဲ့ ပေါ့.. ဆီသိပ်မသုံးပဲ..ဖြူဖပ်ဖပ်နဲ့ လေ။ သူတို့လူမျိုးတွေ
ထမင်းစား တိုင်း မပါမဖြစ် ပါခဲ့ တာက ကြက်သား ဒါမှ မဟုတ် ဝက်သား ဒါမှ မဟုတ် အမဲသား ပါတဲ့ ခေါက်ဆွဲ စွပ်ပြုတ် ပဲ ဖြစ်ပါတယ်။ အဲဒီ စွပ်ပြုတ် ရဲ့ နာမည်က Pho ဖြစ်ပါတယ်။ အဆီ မပါဘဲ ပြုတ်ရည် ကို အရသာ ရှိပြီး ချိုမွှေး နေအောင် ပြုလုပ် ထားပါတယ်။ အဲဒီ စွပ်ပြုတ် ကို အနီရောင် ငရုတ်သီး၊ ပင်စိမ်း၊ ကြက်သွန်နီ၊ ဟင်းသီး ဟင်းရွက် တွေနဲ့ ရော ထည့် စားရ ပါတယ်။
ဒါပေမဲ့.. ကျမ ဟိုချီမင်းမှာရှိနေတဲ့ ကာလတွေ များသောအားဖြင့်.. Thai Express .. Burger King … အဲ့ဒါတွေပဲ သတိရလို့.. အဲ့ဒါတွေပဲ ရအောင်သွားစားဖြစ်တယ်။။။။။

အနေအထိုင်း။ ။ Free style..Free style. Free Style ကျချက်ကတော့.. .မြန်မာနိုင်ငံက ယဉ်ကျေးခြင်းမျက်လုံးနဲ့ မကြည့်လေနဲ့ ။ ပွင့်လင်းတယ်
ခေတ်ဆန်တယ်၊ ဖက်တာနမ်းတာ ပုံမှန်ပဲ (ရင်းနှီးတဲ့သူတွေအတွက်နော်)။ Foreigner အ၀င်များတော့ပိုပီးး Free သွားတယ်ထင်ပါ့…. ဒူးထောင်ပြီးလဲ ထမင်းစားတယ်၊
သွားကြားထိုးတံညှပ်ပြီး စကားလဲပြောတာ်။ ဆေးလိပ်၊ အရက် ဈေးမကြီးပါ။ ရာသီဥတုကတော့ မိုး ရာသီ မို့ လို့ 
ထင်ပါတယ် အေးအေးလေးနဲ့ နေလို့ ကောင်းတယ်။ ဒါပေမဲ့ မိုးရာသီကို သဘောမကျတဲ့ ကျမအတွက်တော့ တော်တော်လေး စိတ်ရှုပ်စေခဲ့တယ်…

အလုပ်အကိုင်။ ။ ရှားတယ်လို့ ပြောရမှာပဲ။ ဒါပေမယ့် သူတို့ တွေတော်တော်လေးကို အလုပ်ကြိုးစားကြပါတယ်။
ကျမ့ရဲ့  ကြိုးစားတယ် ပင်ပန်းတယ်ဆိုတာလောက်ကတော့ သူတို့ က ပုံမှန်ပဲ။ အလုပ်လုပ်တာကိုတော့
တော်တော်လေးကို ချီးကျူးမိပါတယ်။

စကား။ ။ အင်္ဂလိပ်စကားမရပါ။ (ဒါကြောင့် ကျမမှာ ခေါက်ဆွဲပဲလှိမ့်ဆွဲခဲ့ရသလို… This one .. That one နဲ့ ၀က်မှန်းကြက်မှန်းဘဲမှန်း မသိ အလွဲလွဲ စားခဲ့ရသလိုပါပဲ…… .ဟင်းမှ မမှာတတ်ပဲကိုး)

နောက်တစ်ပိုင်းတော့.. Cu Chi tunnelဘက်ရောက်ဖြစ်ပုံလေးး မှတ်မိသလောက်ပေ့ါ.. :D

ဗီယက်နမ်သွားတောလား - ၂

Ho Chi Minh နဲ့ Singapore က သိပ်မဝေးပါဘူး။ လေယာဉ်ပေါ်မှာ ရုပ်ရှင်တစ်ကားတောင် ပြီးအောင်မကြည့်ရပါဘူး။ ၁ နာရီခွဲလောက်ပဲ ကြာပါတယ်။ Ho Chi Minh လေဆိပ်က အပျံစား မဟုတ်ပေမယ့် ကျယ်ကျယ်ဝန်းဝန်း သပ်သပ်ရပ်ရပ် ရှိလှပါတယ်။ ကောင်းပါတယ်။ လေကြောင်းလိုင်း တော်တော်များများက လေယာဉ်တွေ ဆိုက်နေတာလည်း တွေ့ရပါတယ်။ Europe ကဆိုက်တဲ့ လေကြောင်းလိုင်းကတော့ Air France ပေါ့၊ Saigon က France လက်အောက်မှာ နေဖူးတော့ အခုထိလည်း အဆက်အဆံ ရှိနေပါသေးတယ်။Immigration ကလည်း Counter တွေတော်တော် များပြီး လမ်းညွှန်တွေက အဆင်ပြေပါတယ်။ Immigration Officer တွေရဲ့ Uniform ကတော့ ရဲဝတ်စုံလိုလိုပါ။ ပုခုံးပေါ်မှာလည်း အနီရောင်ဘားတွေနဲ့ ကြယ်တွေနဲ့ ဆိုတော့ မြင်တာနဲ့ ကွန်မြူနစ်နိုင်ငံ ရောက်နေတယ်ဆိုတာ မေးစရာမလိုပါဘူး။ ဒါပေမယ့် သူတို့ရဲ့ ဦးထုပ်(အမာစား)တွေကို Counter တွေပေါ်မှာ သပ်သပ်ရပ်ရပ် တင်ထားတော့ ဘာရယ် ညာရယ် မဟုတ်ဘူး လူရှိန်တာပေါ့။ ကြည့်လို့လည်း ကောင်းပါတယ်။

လေဆိပ် အဆောက်အဦးထဲ က ထွက်လိုက်တာနဲ့ လူတွေ၊ လူတွေ ဆိုတာ နည်းတာမဟုတ်ဘူး။ သိပ်မကောင်းသေးတဲ့ လေဆိပ်ဆိုရင် ဒီလိုပဲ။ လာကြိုတဲ့သူတွေနဲ့ ကားတွေအတွက် ထည့်မစဉ်းစားထားဘူး။ လမ်းမပေါ် ရောက်တော့လည်း ဆိုင်ကယ်တွေဆိုတာ တစ်လမ်းလုံး အပြည့်ပဲ။ ကြိုမျှော်လင့်ထားပေမယ့် တကယ်တမ်းကျတော့ ထင်ထားတာထက် ပိုများပါတယ်။ ဘာနဲ့တူလည်းဆိုတော့ အရေးအခင်းတုန်းက လမ်းမပေါ်မှာ လူတွေနဲ့ ပြည့်နေသလိုပါပဲ။ ဖြည်းဖြည်း ဖြည်းဖြည်းပဲ မောင်းနိုင်ကြပါတယ်။ ယောက်ျား၊ မိန်းမ မရွေး ဆိုက်ကယ်မောင်းကြပါတယ်။ ဘယ်သူမှ Helmet မဆောင်းကြပါဘူး။ လွန်ခဲ့တဲ့ နှစ်နှစ်လောက်တုန်းက လူတိုင်း Helmet ဆောင်းကြဖို့ အမိန့်ထုတ်ဖူးပါတယ်။ အမိန့်ထုတ်ပြီးတော့မှ ယာဉ်တိုက်မှုနှုန်းက ပိုများလာပါတယ်။ သဘာဝကျပါတယ်။ Helmet ဆောင်းထားတော့ မြင်ကွင်းကလည်း အပြည့်မမြင်ရ၊ အသံလည်း ကောင်းကောင်းမကြားရပါဘူး။Helmet မဆောင်းထားရင် မျက်စိ တစ်ချက်လှုပ်လိုက်တာနဲ့ ဘေးဘီကို ကောင်းကောင်းလည်း မြင်ရပါတယ်။မြို့တွင်းလမ်းတွေမှာ စက်ဘီး မောင်းတာထက် မပိုချင်တဲ့ နှုန်းနဲ့ ဖြည်းဖြည်းပဲ မောင်းလို့ရတာ ဆိုတော့ လဲကျလည်း ကိစ္စမရှိပါဘူး။ အဲဒါနဲ့ ဘယ်သူမှ Helmet မဆောင်းကြတော့ပါဘူး။ နေပူရင်တော့ ရိုးရိုး ဦးထုပ် ဆောင်းကြပါတယ်။ မိန်းကလေးတွေကတော့ လက်ရှည်တွေ၊ Mask တွေ ၀တ်ထားကြပါတယ်။ ကလေးတွေကလည်း ဆိုင်ကယ်နဲ့ ဖက်မွေးထားတဲ့ အတိုင်းပါပဲ။ အရှေ့မှာ ကောင်းကောင်း ထိုင်တတ်ကြပါတယ်။ တစ်ချို့ဆို အိပ်တောင် အိပ်နေပါတယ်။ ဆိုင်ကယ်တွေက များလွန်းတော့ အရမ်း Pollute ဖြစ်ပါတယ်။ လမ်းမပေါ်ရောက်ရင် အသက်ကောင်းကောင်းရှူလို့ မရပါဘူး။ လမ်းဘေးမှာ တစ်နေကုန် နေရတဲ့ ဆိုင်ထိုင်တဲ့ သူတွေပါ Mask တွေ ၀တ်ထားရပါတယ်။ လမ်းကူးရတာလည်း မလွယ်ပါဘူး။ Guide ပြောသလိုပဲ မျက်စိမှိတ်ပြီး တည့်တည့်သာကူးသွား ဆိုင်ကယ်တွေက ရပ်ရင်ရပ် မရပ်ရင် ရှောင်သွားကြပါတယ်။ မျက်စိတော့ မမှိတ်ပါဘူး၊ ဒီအတိုင်းပဲ ဖြည်းဖြည်း ကူးသွားရင် ရပါတယ်။
ပထမနေ့မှာ… အခြားနိုင်ငံခြားသားတွေအပါအ၀င် လူ၃၀လောက်..
မနက်စာ စားပြီးတော့ Cu Chi Tunnel ကို သွားကြပါတယ်။ Cu Chi Tunnel ဆိုတာ နာမည်ကျော်ပါပဲ။ အမေရိကန်တပ်တွကို ပြောက်ကျားနည်းနဲ့ မြေအောက်မှာ တွင်းတွေ တူးပြီးတိုက်တဲ့နေရာပါ။ ဆိုင်ဂုံသွားရင် မလည်မဖြစ်သွားရမယ့် နေရာပါ။ မြို့ထဲကနေ ၁ နာရီလောက် ကားနဲ့ သွားရပါတယ်။ ကျွန်မတို့ ရောက်သွားတော့ Bus ကားတွေက ၅ စင်းလောက်ရှိနေပါပြီ။ မိုးရွာထားပေမဲ့လဲ လူကတော့ အတော်များလှပါတယ်…. အမြဲတမ်းပဲ အဲဒီလိုများလား မသိဘူး။ ရောက်တာနဲ့ အခန်းလေးတစ်ခန်းထဲမှာ လူစုပြီး Tour Guide က မြေပုံတွေ၊ ပုံစံငယ်လေးနဲ့ ရှင်းပြပါတယ်။ တော်တော် စိတ်ဝင်စားဖို့ ကောင်းပါတယ်။ ပြီးတော့ Documentary တစ်ခွေပြပါတယ်။ ပြီးမှ တကယ့် စစ်စခန်းတွေ နေရာကို သွားကြပါတယ်။ Tunnel တွေရှိတဲ့ နေရာက အခုတော့ လူသွားတာ များလို့ တော အနက်ကြီး မဟုတ်တော့ပါဘူး။ လွယ်လွယ်ကူကူ သွားလို့ရသွားပါပြီ။ မြေအောက် လှိုဏ်ခေါင်းလေးတွေ ၀င်ပေါက်တွေက အင်မတန် သေးပါတယ်။ လူသေးသေး တစ်ကိုယ်စာ ၀င်လို့ရယုံပါပဲ။ လေ၀င်ပေါက်တွေက ဟိုးအတွင်းကနေ ၀ါးလုံးတွေနဲ့ သွယ်ထားတာပါ။ အပေါ်မှာ မြေကြီးတွေက ခြတောင်ပို့လိုမျိုး လုပ်ထားပါတယ်။ ကတုတ်ကျင်းတွေနဲ့လည်း ဆက်ထားပါတယ်။ ပြီးတော့ အနားမှာလည်း ထောင်ချောက်တွေ အများကြီးပါပဲ။ ထောက်ချောက်တွေက လူကိုချက်ချင်း သေစေနိုင်တဲ့ဟာမျိုးတွေရော၊ ဆူးတွေစူးပြီး ပြန်ထုတ်ရ ခက်တဲ့ ဟာမျိုးတွေရောပါ။ ချက်ချင်း မသေဘဲ ဒဏ်ရရတဲ့ အမေရိကန် စစ်သားတွေကို နောက်တန်းပြန်ခေါ်သွားတော့ နောက်တန်းက စစ်သားတွေလည်းကို ခြောက်လန့်နိုင်စေပါတယ်။ စိတ်ဓါတ် စစ်ဆင်ရေးပေါ့။
ခဏနားပြီးတော့ ဆက်သွားတော့ တကယ်ဝင်လို့ ရတဲ့ မြေအောက်လှိုဏ်ခေါင်းကို ရောက်သွားပါတယ်။ Tourist တွေ အတွက် ချဲ့ပေးထားတဲ့ နည်းနည်းလည်း တိုတဲ့ လှိုဏ်ခေါင်းပါ။ ကျွန်မလည်း ၀င်ကြည့်ဖို့ကြိုးစားပါတယ်…အသက်ရှုကျပ်လာလို့ချက်ချင်းပြန်ထွက်ခဲ့၇တော့တာပါပဲ… Castrophobic ဖြစ်တဲ့ သူတွေလဲ လိုက်မ၀င်ကြပါဘူး။ချဲ့ပေးထားတယ် ဆိုတာတောင် တော်တော် ကျဉ်းပါတယ်။ လေးဘက်ထောက် သွားရမဲ့ပုံပါပဲ… တကယ်ဟာဆို မိကျောင်းသွား သွားရတာဆိုပဲ။ ၁၅ မိနစ်လောက်ပဲ ကြာပေမယ့် နည်းနည်းတော့ ချောက်ချားစရာ ကောင်းလောက်ပါတယ်… မှောင်မှောင် ကျဉ်းကျဉ်းလေး ဘာမှလည်း မမြင်ရ၊ ဘယ်တော့များ အပြင် ပြန်ရောက်ပါ့မလဲ လို့ပဲတွေးပြီး ဆက်ကိုမ၀င်တော့ပါဘူးးးးးး ရှေ့ကလူကို ဖုန်းက အလင်းရောင်နဲ့ပဲ မြင်ရပါတယ်။ အမလေး ပြန်ထွက်လာတော့မှပဲ အသက်၀၀ ရှူလို့ ရပါတော့တယ်။ အထဲမှာလည်း အသက်တော့ ရှူလို့ရပေမဲ့လဲ..မြေနံ့ရယ် လူတွေစုပြုံတိုးနေရမဲ့ အခြေအနေ ကြိုမြင်ပြီးးး ဆက်မ၀င်ပဲ ထွက်ခဲ့ရတာပါပဲ…… မြေကြီး နံရံတွေကလည်း မာပါတယ်။ ခြောက်သွေ့ပါတယ်။ အဆုံးထိလိုက်သွားကြည့်မယ်ဆိုရင်တော့ တကယ့် အတွေ့အကြုံ တစ်ခုပါပဲ။ တစ်နေကုန် တောထဲ လျှောက်သွားတာရယ်၊ မိုးကလဲရွာထားတာရယ်ကြောင့် လူလည်းပဲ တော်တော် စုတ်ပြတ်သွားပါတယ်။ ပလောပီနံဥပြုတ်နဲ့ ရေနွေးကြမ်း ကျွေးပါတယ်။ ဗီယက်ကောင်းတွေ စားတဲ့ အတိုင်းတဲ့။ မီးဖိုကလည်း မြေကြီးထဲမှာပါပဲ။ မီးခိုးကို ရေပိုက်သွယ်သလို သွယ်ပြီး အဝေးမှာ ထုတ်ပါတယ်။ ဒါမှ လေကြောင်းကကြည့်ပြီး ဗုံးကျဲရင် နေရာ လွဲအောင်ပါ။ ဗုံးတစ်လုံး တစ်လုံးကလည်း ကျဲလိုက်ရင် အကျယ် အ၀န်းက ပေ ၁၅၀ လောက်ရှိပြီး အနက်က ပေ၂၀-၃၀ လောက် ရှိတာဆိုတော့ မလွယ်ပါဘူး။ ဆေးရုံကလည်း မြေအောက်မှာပါပဲ။ တစ်ခုမှာ ကုတင် ၁ လုံး၊ ၂ လုံးလောက်ပဲ ရှိပါတယ်။ ဗုံးကျဲလို့ သေလည်း ၁ ယောက်၊ ၂ ယောက်ပဲတဲ့။ အဲဒီမှာပဲ ညနေခင်းသွားပါတယ်။ ပြီးတော့ ဆက်လျှောက်သွားကြတော့ သေနတ်ပစ်ကွင်း ရောက်သွားပါတယ်။ အဲဒီမှာ AK47 ပစ်မလား၊ M16 ပစ်မလား ပစ်လို့ရပါတယ်။ ကျည်တစ်တောင့်ကို 3.0 ဒေါ်လာလောက်ပေးရပါတယ်။ တစ်ခါပစ် ၁၀ တောင့်ပါ။ တစ်ချို့တွေ ပစ်ကြပါတယ်။ စင်္ကာပူမှာ တကယ့်သေနက်အစစ်မပစ်ခဲ့ရလို့ ဗီယက်နမ်မှာ လက်မောင်းအအောင့်ခံပြီးကို ပစ်ခဲ့ပါသေးတယ်... ဒီသေနက်ပစ်ရတဲ့ အစီအစဉ်သဘောအကျဆုံးပါပဲ....
grin emoticon

ဒုတိယနေ့----
နောက်တနေ့ မနက်ကျတော့ မဲခေါင်မြစ်ဝှမ်းကို သွားပါတယ်။ My Tho ဆိုတဲ့ "ဆန်အိုးကြီး" လို့ တင်စားပြီး ခေါ်တဲ့ မဲခေါင်မြစ်ဝှမ်းကကျေးရွာလေးပါ။ ဒီဒေသက ဆန်နဲ့ ရာသီစုံသစ်သီးတွေ အလျှံ ပယ်ထွက်တဲ့ဒေသပေါ့ ၊ အဲ့ဒေသကနေ လှေကလေး တွေစီးပြီး မဲခေါင်မြစ်ရဲ့အလယ်မှာရှိတဲ့ ကျွန်းကလေးပေါ်မှာသစ်သီးတွေ၊ ဒေသထွက်ကုန်တွေကိုလေ့လာ စားသောက်မယ်လို့ Tour Guide ကပြောပြတယ်…
မဲခေါင်မြစ်က ငယ်ငယ်လေးတည်းက ကြားဖူးပြီး ဘာရယ်မဟုတ် ရောက်ဖူးချင်နေတာ အတော်ပဲ ဖြစ်သွားတယ်။ သွားချင်တာ နိုင်းမြစ်တော့ ကျန်သေးတယ်။ ရောက်ကောင်းရောက်သွားနိုင်တယ်။ မဲခေါင်မြစ်ဝှမ်းက ဆိုင်ဂုံကနေ တော်တော်ဝေးပါတယ်။ ၂နာရီခွဲလောက် ကားစီးရပါတယ်။ သွားတဲ့လမ်းမှာ ယွန်းထည်ဆိုင် တစ်ဆိုင်ကို သွားပါတယ်။ အလုပ်ရုံနဲ့ ဆိုင်နဲ့ တွဲထားတာပါ။ ယွန်းထည် ဘယ်လိုလုပ်လဲကိုပါ ရှင်းပြပါတယ်။ သူ့ယွန်းက အပြင်ပန်းကတော့ မြန်မာယွန်းထက် ညက်ပါတယ်။ ပိုချောတယ်၊ ပိုပြောင်လက်ပါတယ်။ အထဲကတော့ မြန်မာယွန်းကို ပိုကြိုက်တယ်။ မြန်မာယွန်းကတော့ ၀ါးဖျား၊ ၀ါးမျှင်လေးတွေကို ပုံဖော်ယက်ထားတာ။ သူတို့က သစ်သားကြီးနဲ့။ အဲဒီတော့ မြန်မာယွန်းထည်က ပိုလက်ရာဝင်ပြီး၊ သုံးရတာလည်း ပေါ့ပါးပါတယ်။ တစ်ခါတစ်လေလည်း ပုဂံက ယွန်းခွက်နဲ့ ရေသောက်ရတာ ကြိုက်ပါတယ်။ မွှေးလို့။ သူတို့ ယွန်းကတော့ အပြင်ကနေ ကမာခွံတွေကပ်၊ ကြက်ဥခွံတွေ ကပ်ပြီး ပုံဖော်တာလည်း ရှိပါတယ်။ တော်တော်ကြာကြာ လုပ်ယူရမှာပါ။ လက်မှုထည်ပါ။ အနုပညာထည်တော့ ဟုတ်ချင်မှ ဟုတ်မှာပါ။ Mass Production ဆိုတော့ တစ်စုံတစ်ယောက်အတွက် Name Cardထည့်တဲ့ ယွန်းထည်လေး ၀ယ်လာတယ်။ ဒါက မြန်မာယွန်း၊ ဒါက ဗီယက်နမ်ယွန်း ယှဉ်မလားပေါ့…… ပြီးတော့ မဲခေါင်မြစ်ဆီ ဆက်သွားကြပါတယ်…… မဲခေါင်မြစ်ကတော့ မြစ်ပီပီသသ ကျယ်ပါတယ်။ မြစ်ဝဆိုတော့ ပိုပြီးတော့ ကျယ်ပါတယ်။ ချောင်းသာသာ မြောင်းသာသာလောက်ကို Singapore River ပြောနေရတဲ့ Singaporean တွေအတွက်သာမက ဧရာဝတီမြင်ဖူးတဲ့ ကျွန်မတောင် တော်တော် ပျော်သွားပါတယ်။ သင်္ဘော(စက်တပ်လှေ) လေးတွေနဲ့ ကျွန်းတွေကို သွားကြပါတယ်။ တန့်ကြည့်တောင် သွားတုန်းက လှေစီးတာတို့ကိုတောင် ပြန်သတိရတယ်။ ဧရာဝတီ အလယ်ပိုင်းကတော့ သောင်ထွန်းတာနဲ့ တော်တော်ကျဉ်းသွားပါပြီ။ အခုဟာကတော့ တော်တော်ကြီးကို ကျယ်ပါတယ်။ မြစ်ထဲမှာ သဲတူးတဲ့သူတွေ၊ ပုဇွန်ထောင်တဲ့သူတွေ၊ ငါးဖမ်းတဲ့သူတွေ အများကြီးပဲ။ မြစ်တစ်စင်းဟာ ပါးစပ်ပေါင်း များစွာကို ကျွေးထားနိုင်တာပဲ။ တန်ဖိုးထားတတ်မယ်ဆိုရင်တော့ မြစ်တစ်စင်းဟာ လူ့အသက်ပေါင်းများစွာပါပဲ။ နားမလည်လို့ပဲ ဖျက်ဖျက်၊ သိရက်နဲ့ပဲ ဖျက်ဖျက် မြစ်ကို တိမ်ကောအောင်၊ ကျဉ်းအောင်လုပ်တာဟာ (သူ့ကိုမှီခိုနေတဲ့)လူတွေကို ငတ်အောင်လုပ်သလိုပါပဲ။ ထားပါတော့။ အဲဒါနဲ့ ကျွန်မတို့ကို ကျွန်းလေးတစ်ကျွန်းကို ခေါ်သွားပါတယ်။ အဲဒီမှာ အုန်းသီးနဲ့ သကြားလုံးလုပ်တာ ရှိပါတယ်။ အုန်းသားနဲ့ လုပ်တဲ့ ဇွန်းတို့၊ ယောက်မတို့လည်း ရောင်းပါတယ်။ Coconut Candy တော့ မ၀ယ်တော့ပါဘူး။ နောက် မဲခေါင်မြစ်တလျှောက်လှေစီးပြီး THOI SON islet သွိုင်ဆွန် ကျွန်းငယ်လေးတွင် ရပ်နားကာ ဒေသခံတေးသီချင်း မျာကိုစီးမျှောခံစားရင်း ဒေသထွက် လတ်ဆပ်သောသစ်သီး များ ၊ လက်ဖက်ရည်မွှေးမွှေးတို့ ကို သုံးဆောင်ရပါသေးတယ်. အဲဒီမှာ ဒေသထွက် အသီးတွေနဲ့ ဧည့်ခံပါတယ်။ ဗီယက်နမ် မိသားတစ်စုက သီချင်းတွေ ဘာတွေ ဆိုပြီး ဧည့်ခံပါသေးတယ်။ Tip တော့ နည်းနည်း ပေးရတာပေါ့။ Singaporean တွေက သူတို့ကို သူတို့ ပြောနေကြတယ်။ ``Singaporean တွေနဲ့တွေ့ရင်တော့ သူတို့တွေ (သီချင်နဲ့ ဖျော်ဖြေတဲ့သူတွေ) တွက်ခြေကိုက်မှာ မဟုတ်ဘူး´´တဲ့။ Tip ပေးဖို့ တစ်ယောက်နဲ့ တစ်ယောက် ကြည့်ပြီး နောက်ဆုံးမှာ စည်းလုံ ညီညွတ်စွာပဲ အနည်းဆုံး ပေးဖို့ သဘောတူလိုက်ကြတယ်လေ။ မဲခေါင်မြစ်ဝှမ်းကို သွားတာ စိတ်ညစ်ဆုံးကတော့ လမုတောတွေထဲမှာ လှေစီးရတာပါပဲ။ မြစ်ဝကျွန်းပေါ်ဆိုတော့ ချောင်းလက်တက်လေးတွေ၊ မြစ်လက်တက်လေးတွေ၊ ဒီရေတော၊ လမုတောတွေ ရှိပါတယ်။ အဲဒီ မြောင်းလက်တက်လေးတွေကနေ လှေစီးပြီး မြစ်မကြီးထဲကို သွားရတာပါ။ ဘေးမှာ အုန်းတောတွေ၊ လမုတောတွေနဲ့ ကြားထဲ ကျဉ်းကျဉ်းလေမှာ လှေစီးရတာ သူများတွေအတွက်တော့ာပျော်စရာ ကောင်းပါလိမ့်မယ်.. ကျမအတွက်တော့ ရေကြောက်တာရယ်.. Safe သိပ်မဖြစ်လှတဲ့ လှေတွေက ကျမကို အသက်ရှုတောင်ကျပ်စေပါတယ်… မိကျောင်းတွေ ဘာတွေတော့ မရှိတော့ဘူးတဲ့။ မြစ်ထဲမှာ ခဏလောက်နေပီးး မိနစ်20လောက်ကြာတော့ ကုန်းပေါ် ပြန်တက်ရပါတယ်။ ကိုယ်နိုင်ငံမှာ ရှိပေမယ် မစီးခဲ့ရဖူးပါဘူး။ ဒီလို မြင်ကွင်းမျိုးကိုတော့ `နှလုံးလှ လူမိုက်´ မြန်မာ ကားထဲမှာ တွေ့ဖူးပါတယ်။

နေ့လည်စာကို အဲဒီမြို့မှာပဲ စားပြီးတော့ ပြန်လာကြပါတယ်။ ကားပေါ်မှာ ခဏအိပ်လိုက်၊ နိုးလိုက် ပါပဲ။ ဗီယက်နမ်က လမ်းတွေက ကျယ်ပါတယ်။ အလယ်မှာ ကားသွားဖို့ (Lane) ၂ လမ်း၊ ၃ လမ်း ရှိပြီး ဘေးမှာ ဆိုင်ကယ်တွေ အတွက်လမ်း ရှိပါတယ်။ လမ်းတွေကလည်း ညက်ပါတယ်။ မြို့တွင်းလမ်းတွေကလည်း ကောင်းပါတယ်။ Express က လည်းကောင်းပါတယ်။ Express ကတော့ Express နဲ့ သိပ်အတူကြီး မဟုတ်သေးပါဘူး။ နည်းနည်းကျဉ်ပြီး ကားတွေ၊ လူတွေ မပြတ်ပါဘူး။ မလေးရှားက Express တွေက ပိုကောင်းပါတယ်။ ဘယ်လိုပဲဖြစ်ဖြစ် ဗီယက်နမ်က (မြန်မာပြည်နဲ့စာရင်) တော်တော် တိုးတက်နေပါပြီ။ Oliver Stone ရဲ့ Heaven and Earth ထဲက ဗီယက်နမ် မဟုတ်တော့ပါဘူး။ အဲဒီ ရုပ်ရှင်ထဲက ဗီယက်နမ်သူတွေလို မဟုတ်တော့ပါဘူး။ စစ်ကြောင့် လူ ၃ သန်းလောက်သေသွားတာ ဗီယက်နမ်မှာ ယောက်ျားနဲ မိန်းမ အချိုး မမျှခဲ့ပါဘူး။ စစ်ပြီးတော့ ဗီယက်နမ်မှာ ယောက်ျား ရှားသွားပါတယ်။ အဲတော့ ဗီယက်နမ်သူတွေက အိမ်ထောင်ပြုဖို့ ခက်သွားသလို အိမ်ထောင်ကိုလည်း အပြိုအကွဲ မခံနိုင်တော့ ယောက်ျားကို ပြုစုပါတယ်။ လုပ်ကျွေးပါတယ်။ အိမ်ထောင်မပြုတဲ့ သူတွေကလည်း ကိုယ့်ဘာသာ ရုန်းကန်ရတော့ ဗီယက်နမ်သူတွေဟာ တော်တော် Active ဖြစ်ပါတယ်။ Dependent ရုပ် မပေါက်ပါဘူး။ အခုဆိုရင် အဲဒီ မညီမျှတဲ့(လူဦးရေ)အချိူးဟာ အသက် ၆၅ နှစ်အထက် မှာပါ။ အသက် ၁၅ ကနေ ၆၄ ကတော့ အချိုးမျှပေမယ့် ဗီယက်နမ်သူတွေရဲ့ စိတ်ကတော့ မပြောင်းသွားပါဘူး။ ကိုယ့်ဘာသာကိုယ့် ရပ်တည်နိုင်ပါတယ်။ လူဦးရေ အချိုးပြောင်းသွားပေမယ့် ဗီယက်နမ်က ယောက်ျားတွေရဲ့ အချိုး (စိတ်ဓါတ်) ကတော့ မပြောင်းသွားပါဘူး။ ယောက်ျားရှားတယ် ရိုရိုသေသေ ဆက်ဆံလို့ပဲ ဆိုနေပါသေးတယ်။ ဗီယက်နမ်သူတွေကလည်း နိုင်ငံခြားသားတွေနဲ့ လက်ထပ်ကြပါတယ်။ ၁ နှစ်ကို အယောက် ၂ သောင်းလောက်က လက်ထပ်ကြတယ်ဆိုပဲ။ များသောအားဖြင့် ကိုရီးယား၊ ထိုင်ဝမ်၊ ဟောင်ကောင်တို့ကတဲ့။ စင်္ကာပူကလည်း ပါတယ်တဲ့။ မြန်မာ ၁ ယောက် ၂ ယောက်တောင် လက်ထပ်ထားတယ် ကြားဖူးတယ်။
အဲ့ဒီနေ့ကတော့ မဲခေါင်မြစ်ဝှမ်းမှာတင် အချိန်ကုန်သွားတယ်ဆိုပါတော့… မိုးကတော့ မိုးလင်းတည့်းကရွာ.. သွားရတာကေ၇လမ်းခရီးး ကျမတော့ တော်တော်လေး စိတ်မအီမသာတဲ့နေ့ပါပဲ... ဒါပေမဲ့လဲ…ရောက်သွားခဲ့တာပါပဲ.. အဲ့ဒီညက မဲခေါင်မြစ်ဝှမ်းဘက် ခရီးဖြစ်လို့.. MY THO မှာပဲ နားရပါတယ်… Saigon က ဟိုတယ်ထက်စာရင် 4 Star ချင်းတူတူ Saigon ကပိုပြီးသပ်ရပ်သန့်ရှင်းတယ်လို့ထင်တယ်…. မြို့နေလူထုကလဲ အေးဆေးငြိမ်သက်ပြီး ဟိုချီမင်းလို့ မျက်စိတွေရှုပ်စရာနည်းလှတယ်….
တတိယနေ့..
နောက်နေ့မနက်အစော 6 နာရီ Boat Station 1 ကနေ.. Floating Market ကိုသွားရပါတယ်။။။ စက်လှေပေါ်ကိုယ်တွေအပါအ၀င် နိုင်ငံခြားသား 30 လောက်ပါမယ်ထင်တယ်.. စက်လှေစထွက်တည်းက မိုးရွာတာပါပဲ.. မြန်မာပြည်လိုဆို အင်းလေး ရေပေါ်ဈေးလေးပေါ့.. တကယ်တွေ့မြင်လိုက်ရတော့.. သူတို့တွေရဲ့ ရေပေါ်ဈေးက အင်းလေးထက်စာရင် ညစ်ပတ်တယ် ထင်တာပါပဲ… အဲ့ရေထဲမှာပဲ ဈေးရာင်းး .. အဲ့ရေနဲ့ပဲ အစားအသောက်ချက်နေကြတာတွေလဲ မြင်ရ..တွေ့၇… ရေပေါ်ဈေးကနေ.. အိမ်တွင်းမှု ဆန်ခေါက်ဆွဲလုပ်ငန်းး အရက်ချက်လုပ်ငန်းးး ရိုးရာ BBQ ဆိုင်လေးတွေ ရောက်ဖြစ်ခဲ့ပါသေးတယ်… မိုးရွာတော့ ဓါတ်ပုံအနည်းငယ်လောက်ပဲ ရအောင်ရိုက်ဖြစ်ခဲ့ပါတယ်….

နေ့လည်စာကို MY Tho မှာ စားပြီး SaiGon ကိုပြန်လာပါတယ်။ ညနေ 5 နာရီလောက်မှာ Saigon ပြန်ရောက်ခဲ့ပါတယ်… အဲ့ဒီမှာပဲ.. Vietnam ခရီး 4 ရက် အဆုံးသတ်ပါတော့တယ်။။။။။

တချို့အကြောင်းအရာတွေတော့ အွန်လိုင်းက မှီငြမ်းရပါတယ်

သုန်သုန်